Արմեն Սարգսյանը պաշտոնից ազատել է նախարարներին
Հայաստանի Հանրապետության նախագահ Արմեն Սարգսյանի ստորագրած հրամանագրերով պաշտոնանկ են արվել կառավարությունում «Բարգավաճ Հայաստան» և ՀՅԴ կուսակցությունները ներկայացնող նախարարները։
ՀՀ նախագահի հրամանագրերով` պաշտոնից ազատվել են էներգետիկ ենթակառուցվածքների և բնական պաշարների նախարար Արթուր Գրիգորյանը, գյուղատնտեսության նախարար Արթուր Խաչատրյանը, արտակարգ իրավիճակների նախարար Հրաչյա Ռոստոմյանը, սպորտի և երիտասարդության հարցերի նախարար Լևոն Վահրադյանը, տնտեսական զարգացման և ներդրումների նախարար Արծվիկ Մինասյանը, տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը:
