«Ալաշկերտ»-ը Չեմպիոնների լիգային կնախապատրաստվի Մինսկում
Ֆուտբոլի Հայաստանի չեմպիոն «Ալաշկերտ»-ը հունիսի 14-ից կսկսի նախապատրաստվել Չեմպիոնների լիգայի որակավորման առաջին փուլին:
Այս մասին տեղեկացրին ակումբի մամուլի ծառայությունից: Առաջին ուսումնամարզական հավաքը կկայանա հունիսի 14-20` Հանքավանում, որտեղ նախատեսված է 1 ստուգողական հանդիպում:
Հունիսի 26-ից հուլիսի 4-ը նախատեսված է ուսումնամարզական հավաք Մինսկում, որտեղ «Ալաշկերտը» պրոդուկտիվ հավաք անցկացրեց նաև նախորդ տարի: Բելառուսի մայրաքաղաքում ալաշկերտցիները երկու ստուգողական հանդիպումներ կանցկացնեն:
