Իրանը «երկիր-օդ» դասի նոր հրթիռային համակարգ է ներկայացրել. IRNA
Իրանը Բանակի օրվա առթիվ անցկացված զորահանդեսի ընթացքում ներկայացրել է հակաօդային պաշտպանության «Կամին-2» նոր համակարգը: Այդ մասին ապրիլի 18-ին հայտնել է IRNA գործակալությունը:
Նրա տվյալներով՝ «Կամին-2» համակարգը նախատեսված է ցածր բարձրության վրա անօդաչու թռչող սարքերի ոչնչացման համար:
Նշվում է, որ «Կամին-2»-ը ՀՕՊ-ի՝ գործողության փոքր ու միջին շառավղով «Մերսադ» համակարգի կատարելագործված տարբերակն է, որն Իրանի կողմից մշակվել է 2010 թվականին, հաղորդել է ՏԱՍՍ-ը:
