Ոստիկանների ու հավաքի մասնակիցների միջև հրմշտոց տեղի ունեցավ Հալաբյան- Արզումանյան խաչմերուկում
Նիկոլ Փաշինյանի նախաձեռնած հավաքի մի խումբ մասնակիցներ փորձել են փակել Հալաբյան-Արզումանյան խաչմերուկը: Ոստիկանները պահանջել են հավաքվածներին ազատել Հրազդանի կիրճից դեպի Հալաբյան փողոց բարձրացող ճանապարհահատվածը, սակայն ակտիվիստները չեն ենթարկվել:
Ոստիկանների ու հավաքվածների միջև հրմշտոց է սկսվել, որը կարճ ժամանակ անց հանդարտվել է:
Նշենք, որ հավաքվածներին է միացել նաև ՀՀ Ազգային ժողովի պատգամավոր, «Ելք» խմբակցության անդամ Գևորգ Գորգիսյանը:
