Աման Տուլեևն ընտրվեց Կուզբասի ժողովրդական պատգամավորների խորհրդի նախագահ
Կուզբասի նախկին նահանգապետ Աման Տուլեեւն ընտրվել է Կեմերովոյի մարզի ժողովրդական պատգամավորների խորհրդի նախագահ: Այդ մասին ՏԱՍՍ-ի թղթակիցը հայտնել է մարզխորհրի ապրիլի 10-ի նստաշրջանից:
«Կեմերովոյի մարզի ժողովրդական պատգամավորների խորհրդի նախագահ է ընտրվել Աման Տուլեեւը»,- ասել է մարզխորհրդի հաշվիչ հանձնաժողովի նախագահ Վալենտինա Իվանչենկոն՝ հրապարակելով գաղտնի քվեարկության արդյունքները, որին մասնակցել են նստաշրջանին ներկա 39 պատգամավորներ:
46 պատգամավորից բաղկացած մարզխորհրդի ներկայիս կազմն աշխատելու է մինչեւ 2018 թվականի սեպտեմբերը, երբ նշանակված են մարզխորհրդի ընտրությունները:
Տուլեեւի թեկնածությունն առաջադրել էր «Եդինայա Ռոսիյա» խմբակցությունը:
