Բաժիններ՝

«Ես ֆուտբոլիստներին առաջարկել եմ ոչ թե անձամբ Գվարդիոլային, այլ «Մանչեսթեր Սիթիին»». Ռայոլա

Հայտնի գործակալ Մինո Ռայոլան խոստովանել է, որ նա իրոք քննարկել է իր հաճախորդների հետ «Մանչեսթեր Սիթի» տեղափոխվելու հնարավորությունը:

«Մանչեսթեր Սիթիի» գլխավոր մարզիչ Պեպ Գվարդիոլան հայտարարել է, որ Մինո Ռայոլան առաջարկել է իրեն ստորագրել Պոլ Պոգբային և Հենրիխ Մխիթարյանին: «Ես երբեք չեմ խոսել Գվարդիոլայի հետ: Եվ ֆուտբոլիստներին ես առաջարկել եմ ոչ թե անձամբ Գվարդիոլային, այլ «Մանչեսթեր Սիթիին», չէ՞ որ դա ֆանտաստիկ ակումբ է՝ ֆանտաստիկ մարզիչով»,- ասել է Ռայոլան:

Միևնույն ժամանակ Ռայոլան ոչ հերքել է, ոչ էլ հաստատել, որ այդ խաղացողները եղել են Պոլ Պոգբան և Հենրիխ Մխիթարյանը. «Ես չեմ բացահայտի նրանց անունները, ում մենք քննարկել ենք: Թողնում եմ այդ պատասխանատվությունը ակումբին»:

Հիշեցնենք, որ ավելի վաղ Ռայոլան Գվարդիոլային անվանել էր «վախկոտ» և «շուն»:

Պատրաստեց Անի Գաբուզյանը

Բաժիններ՝

Տեսանյութեր

Լրահոս