Վրաստանում հանքի փլուզման հետևանքով մարդիկ են զոհվել
Նախնական տեղեկատվությամբ՝ մի քանի հանքագործ է զոհվել Վրաստանի արեւմուտքում գտնվող Տղիբուլի քաղաքում հանքի փլուզման հետեւանքով։ Ինչպես ապրիլի 5-ին հայտնել են վրացական ԶԼՄ-ները, հանքում փլուզումը տեղի է ունեցել ժամը մոտավորապես 4:00-ին: Միջադեպի մանրամանություններն առայժմ հայտնի չեն:
Ինչպես լրագրողներին հայտարարել է Վրաստանի արհմիության ներկայացուցիչ Թենգիզ Դոլաբերիձեն, տեղեկատվություն կա վեց հանքագործների զոհվելու մասին, բայց նախքան փրկարարական աշխատանքների ավարտը, այդ մասին խոսելը վաղաժամ է, հաղորդել է «Ինտերֆաքս»-ը:
