Նորվեգիայում կկառուցեն արևային մարտկոցներով աշխարհում առաջին հյուրանոցը
Նորվեգիայի հյուսիսում կկառուցեն արեւային մարտկոցներով աշխարհում առաջին հյուրանոցը: Այդ մասին «Ինտերֆաքս»-ին հայտնել են Նորվեգիայի զբոսաշրջության խորհրդում՝ VisitNorway-ում:
«Svart հյուրանոցը, որի տանիքին արեւային պանելներ կտեղակայվեն էլեկտրաէներգիա ստանալու համար, կառուցվում է երկրի հյուսիսում՝ Սվարտիսեն սառցադաշտի ստորոտում: Շենքը ունենալու է օղակի ձեւ եւ տեղավորվելու է Հոլանդս-ծովախորշի վրա՝ ջրի տակ մտնող բազմաթիվ ցցերի վրա»,-ասել են VisitNorway-ում: Հյուրանոցի բացումը նախատեսված է 2021 թվականին: Պլանավորվում է նաեւ գործարկել էկոլոգիական նավ, որը հյուրանոցը կկապի Նորվեգիայի Բուդյո մերձավոր խոշոր քաղաքի հետ:
