ՀՀԿ-ում վարչապետի թեկնածուի քննարկումներ չեն եղել, սակայն մեծ մասն այդ հարցում կողմնորոշված է

ՀՀԿ-ում վարչապետի թեկնածուի քննարկումներ չեն եղել, սակայն մեծ մասն այդ հարցում կողմնորոշված է

ՀՀԿ-ն 2018թ. վարչապետի թեկնածուի հարցով քննարկումներ դեռ չի իրականացրել: Ազգային ժողովում լրագրողների հետ զրույցում այս մասին ասաց ՀՀԿ խմբակցության պատգամավոր, ՀՀԿ փոխնախագահ Գալուստ Սահակյանը` շեշտելով, որ բոլորը հիմնականում արդեն կողմնորոշված են այդ հարցում և վարչապետի թեկնածուի պաշտոնում տեսնում են ՀՀ Նախագահ Սերժ Սարգսյանին:

«Այս պահին հիմնականում բոլորը կողմնորոշված են: Չեմ կարծում, որ որևէ մեկին հարցնեք և նույն պատասխանը չլսեք»,- նշեց Սահակյանը:

Հարցին` ինքը 2018թ. ՀՀ Նախագահի թեկնածուի հարցում կողմնորոշվե՞լ է, Գալուստ Սահակյանը պատասխանեց, որ այդ մասին չի մտածել, սակայն հավելեց, որ ՀՀ նախագահի թեկնածուին էլ ներկայացնելու է ՀՀԿ-ն: «Քննարկման փուլ է լինելու, և հենց մեկնարկեն այդ քննարկումները, ես իմ կարծիքը կհայտնեմ»,- ընդգծեց պատգամավորը:

Անդրադառնալով վարչապետի թեկնածու առաջարկելու «Ելք» դաշինքի ցանկությանը` Գալուստ Սահակյանն ընդգծեց, որ ինքը ցանկանում է, որ ընդդիմադիր ուժերն էլ իրենց թեկնածուին ներկայացնեն: «Բայց նաև տեսնում եմ, որ նրանք նման ռիսկային քայլերի չեն գնում»:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։