Փլուզում նախկին «Գյումրի» ռեստորանում
Tsayg.am-ը գրում է. Փլուզվել է Շիրազի փողոցում գտնվող նախկին «Գյումրի» ռեստորանի մի մասի առաստաղը: Տանիքի փայտերն ու խարխլված պատերի քարերը թափվել են բնակելի հատված: 88-ից հետո այստեղ բնակիչները մի քանիսն էին: Մի մասը բնակարան են ստացել ու լքել տարածքը, այժմ երկու անձ է ապրում, գնալու տեղ չունեն, երկրաշարժին երեք սենյականոց բնակարան են կորցրել, անօթևանի կարգավիճակ չունեն: «Գյումրի» ռեստորանը սեփականատեր ունի, սակայն նորոգման աշխատանքներ չեն արվում տարիներ շարունակ: Շենքը 4-րդ աստիճանի վթարային է:
