Ձեր եկամտահարկը կփոխհատուցի հիփոթեքով ձեռք բերված բնակարանի տոկոսները

Անձը, ով ցանկանում է բնակարան գնել հիփոթեքային վարկի միջոցով՝ այսուհետ ազատվում է բանկին կամ վարկային կազմակերպությանը տոկոսներ վճարելու պարտավորությունից, և այս ամենն ի հաշիվ աշխատավարձից և այլ եկամուտներից պետական բյուջե վճարված հարկերի:

Ընթերցողներն առավել հետաքրքրված են, թե ինչ ընթացկարգ է պահանջում այս գործընթացը. Dialogue.am-ի «Սոցիալական իրավունք» շարքն այս անգամ պարզաբանում է հարկային ոլորտում քաղաքացիներին տրվող արտոնությունը:

Պետության կողմից տրվող արտոնությունը տարածվում է բացառապես 2014 թվականի նոյեմբերի 1-ից հետո ծագած հարաբերությունների վրա:

Աս ծրագրի շահառու համարվում են՝ վարձու աշխատողները, անհատ ձեռնարկատերերը և նոտարները: Եվ եթե հիփոթեքով ձեռք բերված բնակարանը նոր կառուցվող կամ արդեն նորակոռույցում է գտնվում, ապա անձի վճարած եկամտահարկը ուղղվում է բացառապես բնակարանի հիփոթեքային վարկի տոկոսների մարմանը: Ի դեպ, արտոնությունը տարածվում է ոչ միայն գնորդների վրա, այլև նրանց, ովքեր հիփոթեք են ձևակերպում սեփական տուն կառուցելու համար:

Այսինքն. օրինակ 120.000 դրամ ամսական հիփոթեքային վարկի տոկոսային պարտավորություն ունենալու դեպքում, Ձեր աշխատավարձից որպես եկամտահարկ գանձվող ասենք 30.000 դրամը պետությունը ուղղելու է վարկի մարմանը, իսկ Ձեզ մնալու է վճարել մնացած՝ 90.000 ՀՀ դրամը:

Բայց միաժամանակ նկատենք, որ հարակային ոլորտում գործող այս արտոնությունն էլ բացառություն չէ և օգտվելու համար կան որոշակի պայմաններ և սահմանափակումներ.

օրինակ՝ պարտադիր է, որ բնակարան գնվի անմիջապես կառուցապատողից, ոչ թե երկրորդային շուկայից , հակառակ պարագայում, երբ բնակարանը թեկուզ գտնվում է նորակառույց շենքում, բայց այն մինչ այդ ձեռք է բերվել ոչ թե կառուցապատողից, այլ օրինակ վերավաճառողից կամ սեփականատիրոջից, ապա հարկային մարմինը չի փոխհատուցում վարկի տոկոսները
կամ բնակարանը պետք է գտնվի պետության կողմից իրականացվող բնակարանային ապահովության ծրագրի շրջանակներում:

Վարձու աշխատողին նշված պայմաններով հիփոթեք ձևակերպելու դեպքում՝ աշխատավարձից պահվող եկամտահարկը վերադարձվում է երեք ամիսը մեկ, իսկ նոտարների ու անհատ ձեռնարկատերերի դեպքում՝ հարկը տարեկան կտրվածքով է փոխանցվում՝ դիմողի կողմից նշված հաշվեհամարին:

Հաշվետու եռամսյակի ընթացքւմ հաշվարկված աշխատավարձից տարբերվող այլ հարկվող եկամուտներ վճարված լինելու դեպքում՝ այդ եկամուտների մասով հաշվարկված և վճարված եկամտային հարկի գումարները վերադարձման ենթակա չեն:

Արտոնությունը տրվում է նաև այն դեպքում, երբ օրինակ ՝ բնակարանի համար հիփոթեք ձևակերպել են միաժամանկ մի քանի անձ և հանդիսանում են ձեռք բերվող գույքի համասեփականատեր, ապա նրանց եկամտային հարկը բոլորինը միասին նույնպես վերադարձվում է միաժամանակ: Իսկ եթե տվյալ աշխատողը համասեփականատեր չէ, ապա նրա եկամտային հարկը չի վերադարձվում:

ՈՒՇԱԴՐՈՒԹՅՈՒՆ. Եթե վարկառուն միաժամանակ և ՛վարձու աշխատող , և՛ անհատ ձեռնարկատեր է, ապա վերջինսի վճարված եկամտային հարկի գումարների վերադարձը կատարվում է տվյալ տարվա ընթացքում և եռամսյակների ամիսների համար հիպոթեքային վարկի սպասարկման համար վճարված եկամտային հարկի հանրագումարի դրական տարբերության չափով:

Անհրաժեշտ փաստաթղթեր. ում ներկայացնել …

Եկամտահրկի միջոցով հիփոթեքային վրակի տոկոս մարելու համար անձը հարկային (տարածքային) մարմնին գումարի վերադարձման մասին դիմում է ներկայացնում՝ բնակության վայրի հասցեի, կոնտակտային տվյալների, վարկառուին վերադարձվող եկամտային հարկի գումարները փոխանցելու համար բանկի անվանման և հաշվի համարի նշումով՝ միաժամանակ պահանջվում է նաև՝

վարկառուի անձը հաստատող փաստաթուղթը
հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքը
հիպոթեքային վարկի տրամադրման պայմանագրի բնօրինակը
վարկի տոկոսների վճարումը հաստաթող փաստաթղթի պատճեն
ՀՀ տարածքում կառուցված կամ կառուցվող բազմաբնակարան բնակելի շենքը կառուցապատողի կողմից տրված տեղեկանք բնակարան անմիջապես կառուցապատողից ձեռք բերված լինելու մասին, կամ անհատական բնակելի տան շինարարության թույլտվություն
բնակարանի առքուվաճառքի պայմանագիրը և պատճենը

Հանձնարարականը ներկայացնելու օրվանից հետո աշխատանքային երեք օրվա ընթացքում վերադարձվող գումարը փոխանցվում է վարկառուի բանկային հաշվին:

ՈՒՇԱԴՐՈՒԹՅՈՒՆ. Նշված փաստաթղթերում առկա տեղեկատվության փոփոխությունների դեպքում վարկառուն պարտավոր է փոփոխության կատարման եռամսյակին հաջորդող ամսվա 20-ից ոչ ուշ դրա մասին տեղեկացնել հարկային մարմնին:

Երբ է մերժվում քաղաքցու դիմումը…

Հարկային մարմինը կարող է մերժել եկամտային հարկի վերադարձման մասին քաղաքցու դիմումը, եթե համապատասխան եռամսյակի ընթացքում տվյալ վարձու աշխատողին վճարվող աշխատավարձից հաշվարկված (անհատ ձեռնարկատիրոջ կամ նոտարի դեպքում հաշվետու տարվա ընթացքում ) եկամտային հարկի գումարներն ամբողջությամբ մարված չեն: Դիմումը հարկային (տարածքային) մարմնի կողմից մերժվելու դեպքում ՝ հաջորդող հինգ աշխատանքային օրվա ընթացքում մերժման հիմքերի մասին պարտադիր պետք է ծանուցվի վարկառուին:

ՎԻՃԱԿԱԳՐՈՒԹՅՈՒՆ

Ֆիզիկական անձանց հիփոթեքային վարկի սպասարկման համար վճարված տոկոսների փոխհատուցման նպատակով 2016թ. հունվարի մինչև սեպտեմբեր ժամանակահատվածի համար ՊԵԿ-ը 2901 դեպքով 1076 շահառուի վերադարձրել է ավելի քան 925 մլն դրամ եկամտային հարկի գումար

Պատրաստեց՝ Լաուրա Մամյանը
www.dialog.am