Ինչպես է նշանակվում ընտանիքի անապահովության միավորը. հաշվեք ինքներդ (բանաձև). Dialogue.am

Պետական նպաստի տարատեսակներին (այդ թվում՝ ծերության նպաստ, կերակրողին կորցնելու նպաստ, երեխայի ծննդյան միանվագ նպաստ, մայրության նպաստ և այլն) Dialogue.am-ն անդրադարձել է տարբեր հարապարակումներով:

Այս հրապարակման մեջ կներկայացնենք, թե ինչ կարգով է հաստատվում և ինչ բանաձևով հաշվվում ԸՆՏԱՆԻՔԻ ԱՆԱՊԱՀՈՎՈՒԹՅԱՆ ՄԻԱՎՈՐԸ:

Նշենք, որ անապահովության միավորներով է պայմանավորված, թե քաղաքացին որքան գումար կստանա որպես նպաստառու` որքան բարձր է անապահովության միավորը, այնքան տվյալ ընտանիքը համարվում է անապահով:

Ընտանիքի անապահովության սահմանային միավորը նվազագույնը 30.00 միավոր է, առավելագույնը` 39.01 և ավելի:

Թե որքան է կազմում Ձեր անապահովության միավորը, կարող եք հաշվել ինքներդ: Դրա համար ընդամենն անհրաժեշտ է հետևել ներքևում բերված ցուցանիշների օրինակին, հաշվել յուրաքանչյուր ցուցանիշի միավորն ու բազմապակել իրար:

ՀԻՇԵ’Ք. Եթե ներքևում բերված ցուցանիշներից որևէ մեկի հաշվարկից Ձեզ մոտ 0 է ստացվում, ապա ընտանիքի անապահովության ամբողջ միավորը ևս կհավասարվի 0-ի. հետևաբար` Դուք չեք կարողանա օգտվել անապահովության նպաստից:

Հարգելի ընթերցողներ, հարկ ենք համարում նշել նաև, որ ՀՀ Աշխատանքի և սոցիալական հարցերի նախարարությունն այս բանաձերի հաշվման և անապահության միավոր տալու հարցում ունի ՄԻԱՅՆ վերահսկիչ ֆունկցիա:

Միավորները հաշվում, Ձեր ընտանեկան-բնակարանային պայմաններին ծանոթանում և որպես անապահով հաշվառում է ՁԵր համալիր սոցիալական ծառայությունների տարածքային կենտրոնը (ՍԾՏԿ):

Այս կենտրոնի սոցաշխատողները Ձեր ահազանգով գալիս են Ձեր տուն, ծանոթանում են բնակարանային պայմաններին, եկամտին, և այլ կարևոր բաղադրիչների, որից հետո միայն հաշվվում է Ձեր անապահովության միավորը:

Ի դեպ, հաշվարկից հետո էլ, երբ արդեն իսկ համարվում եք անապահով, սոցաշխատողները ժամանակ առ ժամանակ շարունակում են այցելել Ձեզ` համոզվելու համար, որ պայմանները չեն փոխվել: Հակառակ դեպքում` անգամ նվազագույն բարելավման պարագայում, օրինակ` եթե մեքենա կամ մեկ այլ արժեքավոր նվեր եք ստացել, ավտոմատ դուրս կմղվեք անապահովների ցուցակից:

Ընտանիքի անապահովության  աստիճանի գնահատման ժամանակ օգտագործվում են հետևյալ ցուցանիշները՝

1. ընտանիքի անդամների պատկանելությունը որոշակի սոցիալական խմբերի,

2. ընտանիքի անաշխատունակ տարիքի անդամների և  առաջին, երկրորդ խմբի հաշմանդամների թիվը,

3. բնակավայրը,

4. ընտանիքի բնակարանային պայմանները,

5. անձնական օգտագործման ավտոմեքենայի առկայությունը,

6. ընտանեկան ձեռնարկության առկայությունը և անհատ ձեռներեցությամբ զբաղվելը,

7. ընտանիքի սոցիալ-տնտեսական պայմանների վերաբերյալ սոցիալական ծառայությունների տարածքային կենտրոնների կամ համայնքի ավագանու եզրակացությունը,

8. ընտանիքի ամբողջական եկամուտը (այդ թվում դրսից փոխանցվող գումարները):

Այս ցուցանիշները ունեն հատուկ միավորներ, որոնք գումարելով էլ ստանում ենք ընտանիքի անապահովության միավորը: Սկսենք առաջինից՝  ընտանիքի անդամների պատկանելությունը որոշակի սոցիալական խմբերի: Ներքևում ներկայացած են սոցիալական խմբերը, դրանց համապատասխան ծածկագրերն ու անապահովության միավորները՝

Միաժամանակ մի քանի սոցիալական խմբերի պատկանելու դեպքում հաշվարկվում է յուրաքանչյուր սոցիալական խմբին համապատասխանող անապահովության միավորների գումարման միջոցով` օգտագործելով ճշգրտման գործակիցներ:

Ընդ որում՝ առաջին միավորը վերցվում է ամբողջությամբ, երկրորդ միավորը բազմապատկվում է 0,3-ով, իսկ երրորդը և չորրորդը` 0,1 ճշգրտման գործակիցներով:

Օրինակ. 14 տարեկան եկկողմանի ծնողազուրկ երեխա

Այս երեխան միաժամանակ պատկանում է երկու սոցիալական խմբի, քանի որ հաշվի է առնվում ոչ միայն նրա  երկկողմանի ծնողազուրկ լինելը, այլև այն, որ նա անչափահաս է՝ 2տարեկանից մինչև 18 տարեկան: Այս դեպքում վերևում բերված աղյուսակի համաձայն ` սոցիալական խմբի ծածկագրերն են՝ Ե 56 և Ա 66, որոնց դիմաց գրված է համապատասխան միավորներ (Ե56= 50, Ա66= 33) : Նրա անապահովության ամբողջական միավորը կկազմի`

P = 50 + 0,3 x 33 = 50 + 9,9 = 59,9:

Օրինակ. 17 տարեկան միակողմանի ծնողազուրկ, III խմբի հաշմանդամ

Այս դեպքում երեխան մտնում է միանգամից 3 սոցիալական խմբի մեջ (միակողմանի ծնողազուրկ երեխա=Մ 23=43, մինչև 18 տարեկան անչափահաս երեխա=Ա 66=33, III խմբի հաշմանդամ= Հ 33=28 սոցիալական խմբեր): Երեխայի ընդհանուր անապահովության միավորը հաշվելու համար կրկին օգտվում ենք վերևում կիրառած բանաձևից.

P = 43 + 0,3 x 33 + 0,1 x 28 = 55,7:

Օրինակ . 68 տարեկան II խմբի հաշմանդամ

Այս դեպքում ևս ունենք քաղաքացին պատկանում է միանգամից 2 սոցիալական խմբի՝ կենսաթոշակառու= Կ88= 34 և II խմբի հաշմանդամ =Հ 22= 39:

ՈՒՇԱԴՐՈՒԹՅՈՒՆ. Ի տարբերություն մյուս դեպքերի, Այս դեպքում չի դիտարկվում Կ 88 սոցիալական խումբը և տվյալ անձի անապահովության միավորը ընդունվում է միանգամից հաշմանդամության խումբը` P = 39:

Այնուհետև  որոշվում է ընտանիքի անապահովության միջին միավորը (P^միջ.), որի համար ընտանիքի բոլոր անդամների անապահովության միավորների գումարը բաժանվում է ընտանիքի ներկա անդամների թվի վրա՝  սոցիալական անձնագրի լրացման պահին հաշվառվածով`

Օրինակ 1. Ընտանիքը բաղկացած է 6 անդամից, որոնցից որևէ սոցիալական խմբի չպատկանող անձ (P = 20), երկրորդ խմբի մեկ հաշմանդամ (Հ 22 = 39), 8-10 տարեկան երկու երեխաներ (Ա 66 = 33, Ա 66. = 33) և երկու կենսաթոշակառուներ, որոնցից մեկը 81 տարեկան է` (Կ 88 =34, Կ 86 = 39):

Այս ընտանիքի անապահովության միջին միավորը P^միջ = (20 + 39 + 33 + 33 + 34 + 39) /6 = 33:

Օրինակ 2. Ընտանիքը բաղկացած է 3 անդամից, որոնցից որևէ սոցիալական խմբի չպատկանող անձ (P₁= 20), 17 տարեկան միակողմանի ծնողազուրկ , ով նաև III ԽՄԲԻ հաշմանդամ է  (Մ23, Ա 66, Հ33 , P₂= 43 + 0,3 x 33 + 0,1 x 29 = 55,8) և 13 տարեկան միակողմանի ծնողազուրկ երեխա (Մ23, Ա66 ,  P₃= 43 + 0,3 x 33 = 52,9)

Այս ընտանիքի անապահովության միջին միավորը`

P^միջ. = (20 + 55,8 + 52,9)/3 = 42,9:

Ընտանիքի անաշխատունակ անդամների թիվը

 Ընտանիքի անաշխատունակ անդամների թիվը ընտանիքի անապահովության աստիճանի վրա ազդեցություն է գործում Kընտ գործակցով`

K^ընտ = 1,00 + 0,02 m,

որտեղ m-ն ընտանիքի սոցիալական անձնագրի լրացման պահին ներկա անաշխատունակ անդամների թիվն է:

Ի դեպ, անաշխատունակ են համարվում մինչև 16 տարեկան երեխաները, 63-ից բարձր տարիքի կանայք, 65-ից բարձր տարիքի տղամարդիկ, I և II խմբերի հաշմանդամները:

Օրինակ 1. Ընտանիքը բաղկացած է 1 անաշխատունակ անդամից:

Այս դեպքում K^ընտ= 1,00+ 0,02 x 1 = 1,02

Օրինակ 2. Ընտանիքը բաղկացած է 11 անդամից, որից 3-ը անաշխատունակ են: Այս դեպքում K^ընտ= 1,00 + 0,2 x 3 = 1,06:

Բնակավայրը

Բնակավայրը ընտանիքի անապահովության աստիճանը գնահատելիս հաշվի է առնվում Kտ գործակցով: Յուրաքանչյուր բնակավայր ունի համապատասխան միավոր՝

Արագածոտնի մարզ՝ 1,03

Արարատի մարզ՝ 1,05..

Մյուս մարզերն ավելի մանրամասն` այստեղ

                                                           Ընտանիքի բնակարանային պայմաններ

Բնակարանային պայմանների ազդեցությունը ընտանիքի անապահովության աստիճանի վրա որոշվում է Kբն գործակցով, որի արժեքները բերված են աղյուսակում:

Անձնական օգտագործման ավտոմեքենայի առկայություն

Անձնական օգտագործման ավտոմեքենայի առկայությունը ընտանիքի անապահովության միավորի վրա ազդեցություն է գործում K^ավ գործակցի, որը հավասարվում է «0»-ի հետևյալ դեպքերում, մնացած դեպքերում հաշվվում է 1:

Ընտանեկան ձեռնարկություն ունենալը և անհատ ձեռներեցությամբ զբաղվելը

Ընտանեկան ձեռնարկություն ունենալը կամ ընտանիքի որևէ անդամի անհատ ձեռներեցությամբ զբաղվելու հանգամանքը ընտանիքի անապահովության միավորի վրա ազդեցություն է գործում K^ձ գործակցի միջոցով, որն ունի Օ-ական արժեք:

Ընտանեկան ձեռնարկության կամ անհատ ձեռնարկության գործունեության դադարեցման դեպքում ընտանիքի անապահովության միավորը վերականգնվում է ՀՀ ձեռնարկությունների պետական ռեգիստրի կողմից տրված տեղեկանքի հիման վրա: Այս դեպքում K^ձ =1:

Համայնքների ավագանու և սոցիալական ծառայությունների տարածքային կենտրոնի եզրակացությունը ընտանիքի սոցիալ-տնտեսական պայմանների վերաբերյալ

 Համայնքների ավագանիները և սոցիալական ծառայությունների տարածքային կենտրոններն առավել բարեկեցիկ ընտանիքների համար կարող են սահմանել Kհ գործակից, որն ունի 0-ական արժեք:

Նույն մարմինների եզրակացության փոփոխման դեպքում ընտանիքների անապահովության միավորը վերականգնվում է (K^հ=1):

Ընտանիքի եկամուտը

Ընտանիքի եկամուտը անապահովության միավորի վրա ազդեցություն է գործում Kեկ գործակցի միջոցով, որի արժեքը որոշվում է հետևյալ բանաձևի օգնությամբ`

d-ն – ընտանիքի սոցիալական անձնագրի լրացման պահին բոլոր անդամների թիվն է,

Sj-ն – ընտանիքի ինչ որ  մի անդամի եկամուտն է սոցիալական անձնագրի լրացման պահին (առանց ընտանեկան նպաստի գումարը),

n-ը – ընտանիքի սոցիալական անձնագրի լրացման պահին ներկա անդամների թիվն է:

Օրինակ. Ընտանիքը բաղկացած է 5 անդամից, որից 3-ը անչափահաս երեխաներ են:

Հոր աշխատավարձը կազմում է 12.000 դրամ, մոր աշխատավարձը` 8.000 դրամ: Այս ընտանիքի համար եկամտի գործակիցը`

K^եկ  =1,2 – 0,04 x (12000+8000) / (5×1000)=1,04:

Ընտանիքի անապահովության աստիճանի գնահատման ՎԵՐՋՆԱԿԱՆ ԲԱՆԱՁԵՎԸ

Ընտանիքի անապահովության աստիճանի գնահատման բանաձևը իրենից ներկայացնում է վերևում հաշվարկված բոլոր ցուցանիշների թվային արժեքների և գործակիցների արտադրյալը, այսինքն`

P = P^միջ x K^ընտx K^տ x K^բնx K^հx K^ավx K^ձ x K^եկ

ՀԻՇԵՔ. որքան բարձր է այդ միավորը, այնքան տվյալ ընտանիքը համարվում է անապահով:

Պատրաստեց՝ Զառա Մանուչարյանը