Թրամփը Գաղտնի ծառայության նոր տնօրեն է նշանակել
ԱՄՆ-ի նախագահ Դոնալդ Թրամփը ծովային հետեւակի պաշտոնաթող գեներալմայոր Ռենդոլֆ Ալեսին նշանակել է Գաղտնի ծառայության տնօրեն, ծառայություն, որը պատասխանատու է պետության առաջին դեմքերի պաշտպանության համար:
Այս մասին հայտնել է Սպիտակ տան մամուլի ծառայությունը: «Պարոն Ալեսն այս պահին կատարում է Սահմանապահ եւ մաքսային վերահսկողության ծառայության ղեկավարի առաջին տեղակալի պարտականությունները: Ավելի վաղ նա ղեկավարում էր Ծառայության օդային եւ ծովային գործողությունները»,-ասված է հաղորդագրության մեջ:
Մինչ այդ Ալեսը 35 տարի ծառայություն է անցել ԱՄՆ-ի Ծովային հետեւակի զորակազմում, պաշտոնաթող է եղել 2011 թվականին՝ գեներալ մայորի կոչումով, հաղորդել է ՏԱՍՍ-ը:
