Սի Ցզինպինը հորդորել է սիրիական ճգնաժամը լուծել քաղաքական միջոցներով
Չինաստանը կոչ է անում քաղաքական մեթոդներ օգտագործել սիրիական ճգնաժամը լուծելու համար: Այդ մասին հայտարարել է ՉԺՀ-ի նախագահ Սի Ցզինպինը ԱՄ-Նի նախագահ Դոնալդ Թրամփի հետ կայացած հեռախոսազրույցի ընթացքում, տեղեկացնում է Չինաստանի Կենտրոնական հեռուստատեսությունը:
«Սիրիայի հարցում հանդես ենք գալիս կարգավորման քաղաքական ուղու եւ խաղաղ բանակցությունների օգտին, ասել է նա: Ակնկալում ենք ՄԱԿ-ի Անվտանգության խորհրդի համախմբվածությունն այդ խնդրում»:
Զրույցի ընթացքում Չինաստանի ղեկավարը նշել է, որ «անընդունելի է համարում քիմիական զենքի կիրառումը Սիրիայում»:
Արծարծելով ԿԺԴՀ-ի հարցը՝ Սի Ցզինպինը հայտարարել է, որ «Չինաստանը հանդես է գալիս Կորեական թերակղզու միջուկազերծման, թերակղզում խաղաղության ու կայունության պահպանման օգտին»: «Պատրաստ ենք ԱՄՆ-ի հետ շփումներ պահպանել այդ հարցի շուրջ»,-հավելել է Չինաստանի ղեկավարը, հաղորդել է ՏԱՍՍ-ը:
