Իտալիան Սիրիային նվիրված հատուկ ընդլայնված նիստ է հրավիրել G7-ի հանդիպման շրջանակներում
Իտալիայի արտաքին գործերի նախարար Անջելինո Ալֆանոն G7-ի նախարարական հանդիպման շրջանակներում Սիրիային նվիրված հատուկ ընդլայնված նիստ է հրավիրել Թուրքիայի, Արաբական Միացյալ Էմիրությունների, Սաուդյան Արաբիայի, Հորդանանի եւ Քաթարի արտաքին գործերի նախարարների մասնակցությամբ: Այդ մասին հայտնել է Իտալիայի արտաքին քաղաքական գերատեսչության մամուլի ծառայությունը:
Ինչպես ճշտվում է, նիստը կկայանա ապրիլի 11-ի առավոտյան, երբ «յոթնյակի» (ԱՄՆ-ի, Կանադայի, Ճապոնիայի, Գերմանիայի, Մեծ Բրիտանիայի, Ֆրանսիայի, Իտալիայի) արտաքին գործերի նախարարներին կմիանան մերձավորարեւելյան տարածաշրջանի երկրների նախարները:
G7-ի հանդիպումը ապրիլի 10-ին մեկնարկում է Լուկկա քաղաքում, եւ, ինչպես սպասվում է, սիրիական հակամարտության կարգավորման թեման գլխավորը կլինի նրա աշխատանքում, հաղորդել է ՏԱՍՍ-ը:
