Ստոլտենբերգն առաջընթաց է արձանագրել ՆԱՏՕ-ի և Ռուսաստանի հարաբերություններում
ՆԱՏՕ-ի գլխավոր քարտուղար Ենս Ստոլտենբերգը հայտարարել է, որ առաջընթաց է տեսնում Հյուսիսատլանտյան դաշինքի եւ Ռուսաստանի հարաբերություններում։
«Մենք համաձայն չենք շատ հարցերի շուրջը, բայց այնուամենայնիվ հասել ենք առաջընթացի, օրինակ, այն բանում, ինչ վերաբերում է զորքերի տեղաշարժի թափանցիկությանը»,-հայտարարել է Ստոլտենբերգը Handelsblatt թերթում հրապարակված հարցազրույցում՝ պատասխանելով այն հարցին, թե ինքը բարելավման նշաններ տեսնում է արդյոք ՆԱՏՕ-ի եւ Ռուսաստանի հարաբերություններում:
Նա նաեւ նշել է, որ ՆԱՏՕ-ն առճակատում եւ սպառազինությունների նոր մրցավազք չի ցանկանում Մոսկվայի հետ:
«Ռուսաստանը մնում է մեր հարեւանը, որի հետ մենք պետք է եւ ցանկանում ենք ընդհանուր լեզու գտնել: Այդ պատճառով մենք չպետք է դադարեցնենք երկխոսությունը
Ռուսաստանի հետ»,-հայտարարել է նա, հաղորդել է ՌԻԱ Նովոստին
