Մոուրինիոն դժգոհ է «Մանչեսթեր Յունայթեդի» ֆուտբոլիստներից
Անգլիական «Մանչեսթեր Յունայթեդի» գլխավոր մարզիչ Ժոզե Մոուրինիոն քննադատել է «Կարմիր սատանաների» հարձակողական ոճի ֆուտբոլիստներին:
«Մանչեսթեր Յունայթեդը» փորձեց: Մի քանի ֆուտբոլիստների խաղում մեկմեկ փայլ կար, սակայն բացակայում էր հետևողականությունը: Հենց դա էր պատճառը, որ զրկվեցինք 2 միավորից»,- ասել է Մոուրինիոն:
Անգլիայի ֆուտբոլի առաջնության 30-րդ տուրի «Մանչեսթեր Յունայթեդ»-«Վեստ Բրոնվիչ» խաղում դարպասի գրավում չարձանագրվեց: «Կարմիր սատանաները» առաջին կեսում տիրում էին խաղային իրավիճակին: Երկրորդ կեսում էլ տանտերերը գրոհում էին մեծ ուժերով, բայց ապարդյուն:
Հայաստանի ֆուտբոլի ազգային թիմի անդամ Հենրիխ Մխիթարյանը մեկնարկային կազմում էր, սակայն 74-րդ րոպեին փոխարինվեց: Նրա փոխարեն խաղը շարունակեց Ուեյն Ռունին:
