«Բարսելոնան» Ալեգրիին առաջարկել է 3 տարվա պայմանագիր և 8.5 մլն եվրո աշխատավարձ
«Յուվենթուսի» գլխավոր մարզիչ Մասիմիլիանո Ալեգրին ամռանը կարող է փոխարինել Լուիս Էնրիկեին: Կատալոնական ակումբի ներկայացուցիչներն արդեն մի քանի գաղտնի հանդիպում անցկացրել են 49-ամյա իտալացի մասնագետի հետ:
Ալեգրիին առաջարկվել է եռամյա պայմանագիր՝ տարեկան 8.5 մլն եվրո աշխատավարձով: Մարզիչն արդեն հաղորդել է «Յուվենթուսին», որ չի ցանկանում երկարաձգել պայմանագիրը:
«Բարսելոնայում» դեռ վիճում են նոր մարզչի հարցով: Կա տարբերակ՝ կապված Լուիս Էնրիկեի օգնականի՝ Խուան Կարլոս Ունսուեի նշանակման հետ:
Ավելի վաղ հաղորդվել էր, որ Ալեգրին կարող է փոխարինել Արսեն Վենգերին:
Պատրաստեց Անի Գաբուզյանը
