«Եվրատեսիլ»-ի Բուլղարիայի մասնակիցը դարձել Է 17-ամյա Կրիստիան Կոստովը
Կիեւում անցկացվելիք «Եվրատեսիլ2017» երգի միջազգային մրցույթում Բուլղարիան կներկայացնի երիտասարդ կատարող Կրիստիան Կոստովը։
«Մրցույթին մասնակցությունը ինձ համար ամենամեծ եւ ամենահուզիչ նվերն է: Ես այն ստացա իմ ծննդյան 17-ամյակից երկու օր առաջ,ասել է Կրիստիանը Բուլղարիայի ազգային հեռուստատեսությանը (ԲԱՀ) տված հարցազրույցում:
Ներկայում ես կատարողներից ամենաերիտասարդն եմ, բայց հենց դա է ինձ հավելյալ մոտիվացնում: Ես ցանկանում եմ ցույց տալ, որ ելույթի համար կարեւոր է ունենալ մեծ սիրտ, տաղանդ եւ ոգեշնչում:
«Եվրատեսիլ»-ի մասնակիցը, որը ԲԱՀ-ի ընտրական մրցույթում հաղթել է տասն այլ թեկնածուների, անցյալ տարվանից սկսած աշխատում է «Վիրջինիա Ռեկորդս» ձայնագրող ընկերությունում: Նա տեղի հանրությանը ծանոթ է որպես Բուլղարիայում առավել մեծ ժողովրդականության վայելող փոփհիթերից մեկի կատարող եւ «Իքս ֆակտոր» երաժշտական հեռուստաշոուի ֆինալիստ:
Նրա «Դու ինձ համար չես» դեբյուտային երգը երկու շաբաթվա ընթացքում բուլղարական ռադիոեթերի առավել մեծ ժողովրդականություն վայելող երգն էր դարձել:
«Եվրատեսիլ»-ում բուլղարացին կներկայացնի Beautiful Mess փոփկոմպոզիցիան: Երգը նվիրված է երիտասարդներին, որոնք պաշտպանում են այն, ինչին անկեղծորեն հավատում են: Այն հատուկ գրվել է մրցույթի համար՝ Բուլղարիայից, Ավստրիայից, Շվեդիայից եւ այլ երկրներից կոմպոզիտորների ու պրոդյուսերների ինտերնացիոնալ թիմի գործընկերությամբ, հաղորդել է ՏԱՍՍ-ը:
