Ակադեմիայի նախագահը՝ «Օսկարի» հանձնման ժամանակ ծագած խառնաշփոթի մասին
Փետրվարին «Օսկար» մրցանակի հանձնման 89-րդ արարողության ժամանակ լավագույն ֆիլմի հետ կապված խառնաշփոթությունն ապշեցնող էր, բայց հիանալի էր այն արժանապատվության տեսակետից, որով պատային իրադրությունից դուրս եկան «Լա Լա Լենդ» եւ «Լուսնի լույսը» կինոժապավենների ստեղծողները:
Մարտի 13-ին Օսթինում (Տեխասի նահանգ) այս վիճելի կարծիքը հայտնել է այդ պարգեւները շնորհող Կինոարվեստների ամերիկյան ակադեմիայի նախագահ Շերիլ Բուն Այզեքսը:
«Դա ապշանք առաջացրեց»,-խոստովանել է նա: «Այնուամենայնիվ ես հատկանշական եմ համարում այն, որ հաշված րոպեներում «Լա Լա Լենդի» եւ «Լուսնի լուսի» ստեղծողները ցուցաբերեցին մարդկայնություն, փոխադարձ հարգանք եւ սիրալիրություն: Դա մի առանձնահատուկ եւ արտասովոր բան էր»,-կարծում է Ակադեմիայի նախագահը: Այզեքսը նաեւ գովեստով է խոսել արարողությունը վարողի՝ հայտնի կատակերգու դերասան Ջիմի Քիմելի մասին՝ նրան համարելով «հանդիսության իդեալական տերը»,-հաղորդել է ՏԱՍՍ-ը
