«Մեզ ուրախացնում է ադրբեջանա-իրանական կապերի հաջող զարգացումը». Ալիև
Հուսով եմ՝ Իլհամ Ալիևի այցը զգալի ներդրում կունենա մեր կապերի զարգացման հարցում: Ադրբեջանական ԱՊԱ գործակալության հաղորդմամբ՝ այդ մասին Ադրբեջանի նախագահ Իլհամ Ալիևի հետ ընդլայնված ձևաչափով հանդիպմանը հայտարարել է Իրանի նախագահ Հասան Ռոհանին:
«Վերջին տարիներին մեր կապերն ընդլայնվում են: Դա վկայում է այն մասին, որ մենք ապագային պետք է հույսով նայենք»,- ընդգծել է Իրանի նախագահը:
Իր հերթին, Ալիևը հայտարարել է, որ իրենց «ուրախացնում է ադրբեջանա-իրանական կապերի հաջող զարգացումը»: 
«Վերջին տարիներին այդ կապերը բարձր մակարդակի են բարձրացել: Բազմաթիվ կարևոր խնդիրներ գտել են իրենց լուծումը, և այսօր կարելի է պնդել, որ երկկողմ կապերը ընդգրկում են բոլոր ոլորտները:
Մեր կապերը պատմական են»,- հայտարարել է Ալիևը:
