Ալիևը Ֆրանսիայում կքննարկի ԼՂ հակամարտությունը
Ադրբեջանի նախագահ Իլհամ Ալիևը մարտի 14-ին կմեկնի Փարիզ, հայտնում է Radio France İnternational (RFİ)-ն։
Այցը նվիրված է լինելու Ադրբեջանի և Ֆրանսիայի միջև դիվանագիտական կապերի հաստատման 25-ամյակին։
Սպասվում է, որ Փարիզում կողմերը կքննարկեն նաև Լեռնային Ղարաբաղի հակամարտությունը։
Հիշեցնենք, որ այցից մեկ շաբաթ առաջ Հայաստանի նախագահ Սերժ Սարգսյանն է մեկնելու Ֆրանսիա։ Այս ուղևորությունը նվիրված է լինելու Ֆրանսիայի և Հայաստանի միջև դիվանագիտական կապերի հաստատման 25-ամյակին։
