Ռուսաստանցին ցանկացել է պայթեցնել Turkish Airlines-ի ինքնաթիռը
Եգիպտոսի Ալեքսանդրիա քաղաքի «Բորգ-էլ Արաբ» օդանավակայանում ձերբակալվել է մի ռուսաստանցի, որն իր մոտ ունեցել է ինքնաշեն պայթուցիկ սարք։ Նա պատրաստվել է պայթուցիկ սարքով նստել թուրքական պետական Turkish Airlines ավիաընկերության ինքնաթիռը, որն ուղևորվում էր Ստամբուլ, հայտնում է Egypt Independent-ը՝ վկայակոչելով օդանավակայանի անվտանգության ծառայությունում իր աղբյուրին։
Ինչպես նշվում է, զննության ժամանակ օդանավակայանի անվտանգության ծառայությունը ուշադրություն է դարձրել վերջինիս ուղեբեռում կասկածելի առարկայի վրա։
Արդյունքում՝ հրավիրվել են սակրավորներ։
Եգիպտոսում ՌԴ գլխավոր հյուպատոսությունից հայտնել են, որ ստուգում են ռուսաստանցու ձերբակալության մասին տեղեկությունը։
