Դահուկորդ Սերգեյ Միքայելյանը 29-րդն է սկիաթլոնում
Դահուկավազքի աշխարհի առաջնությունում Հայաստանի ներկայացուցիչ Սերգեյ Միքայելյանը սկիաթլոն ձևում զբաղեցրել է 29-րդ տեղը: Այս մասին «Արմենպրես»-ի հետ զրույցում ասաց Հայաստանի դահուկասպորտի ֆեդերացիայի գլխավոր քարտուղար Գագիկ Սարգսյանը:
«Սերգեյ Միքայելյանըի արդյունքը մեզ համար բարձր արդյունք է` հաշվի առնելով մեր ունեցած հնարավորությունները»,- ասաց Սարգսյանը:
Միքայելյանը մրցել է Սկիաթլոն ձևում` 15 կմ դասական ոճ և 15 կմ ազատ ոճ, և գրավել է 29-րդ տեղը:
Հաջորդ մեկնարկը հայ մարզիկները կունենան փետրվարի 28-ին, որտեղ կմրցեն աղջիկները` 10 կմ դասական ոճ, իսկ մարտի 1-ին տղաները` 15 կմ դասական ոճ:
Ֆինլանդիայում մեկնարկած դահուկավազքի աշխարհի առաջնությունում Հայաստանը ներկայացնում են հինգ մարզիկներ` Սերգեյ Միքայելյանը, Միքայել Միքայելյանը, Թադևոս Պողոսյանը, Կատյա Գալստյանը 9 Աննա Մխիթարյանը:
