Մխիթարյանին թույլ չեն տվել օգտվել լողավազանից՝ առանց փրկարարի ներկայության
Givemesport-ը հետաքրքիր տեղեկատվություն է տրամադրել, ըստ որի՝ մրցաշրջանի մեկնարկին Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանին թույլ չեն տվել ինքնուրույն օգտվել լողավազանից:
Ըստ աղբյուրի՝ մարզաբազայի տնօրինությունը թույլ չի տվել լողալ Մխիթարյանին, երբ փրկարարները ներկա չեն եղել: Մխիթարյանի բախտը չի բերել, քանի որ երբ նա ցանկացել է լողալ, հիմնականում փրկարարը տեղում չի եղել:
Աղբյուրը նշում է, որ սա ևս մեկ փորձություն էր, որ պետք է հաղթահարեր Մխիթարյանը՝ թիմում ամրապնդվելու համար:
Սիրարփի Աղաբաբյան
