Միլիոնատեր Նիկոլայ Սարկիսովի դուստրը՝ սոցցանցերի «մահվան խմբերի» անդամ

Միլիոնատեր, «Ресо-Гарантия»-ի սեփականատեր Նիկոլայ Սարկիսովի դուստրը՝ 14-ամյա Սոֆիա Սարկիսովան, դարձել է «մահվան խմբերի» անդամ, հայտնում է Rusarminfo-ն։

Աղջկա «ՎԿոնտակտե» սոցցանցի էջում կարելի է հայտնաբերել մի քանի միություններում նրա մասնակցության հաստատումը, որտեղ հավաքված են ինքնասպանության հակում ունեցողները։

2015թ. ամռանը Նիկոլայ Սարկիսովը և նրա կինը՝ Յուլյա Լյուբիչանսկայան, համատեղ կյանքի 11 տարիներից հետո, ամուսնալուծվեցին։

Նրանց ամուսնալուծությունը դարձավ շոու-բիզնեսի աշխարհի ամենաքննարկված ու աղմկոտ թեմաներից մեկը։

Դատական հետաքննությունից հետո ամուսինների 3 երեխայի՝ Մարկ, Նիկիտա, Սոֆյա, խնամակալությունը հանձնվեց մորը։

Փետրվարի 15-ին Ռուսաստանի Դաշնային խորհրդի սենատոր Ելենա Միզուլինան ՌԴ գլխավոր դատախազություն հարցում է ուղարկել՝ խնդրելով ստուգել սոցցանցերում գոյություն ունեցող ինքնասպանության հակումներ ունեցողների խմբերը։