Հրդեհ ավտոմեքենայում. մեկնել է մեկ մարտական հաշվարկ
Փետրվարի 17-ին, ժամը 02:34-ին ահազանգ է ստացվել, որ Գեղարքունիքի մարզի Մարտունի քաղաքի Երևանյան փողոցի թիվ 9 շենքի մոտակայքում այրվում է ավտոմեքենա: Դեպքի վայր է մեկնել մեկ մարտական հաշվարկ: Այս մասին հայտնում է ՀՀ արտակարգ իրավիճակների նախարարությունը։
Հրդեհը մեկուսացվել է ժամը 02:50-ին, մարվել՝ 03:08-ին: Այրվել են «Opel» մակնիշի 30 SO 133 պետհամարանիշով ավտոմեքենայի շարժիչը, դիմացի անվադողերը և սրահի դիմային հատվածը:
