«Ռոսսելխոզնադզորը» կարգելի ԵՄ որոշ երկրներից թռչնամսի և հավկիթի ներկրումը
ՌԴ-ի «Ռոսսելխոզնադզոր» դաշնային ծառայությունը երկու շաբաթվա ընթացքում մտադիր է արգելել Եվրոպայի մի շարք երկրներից թռչնամսի և հավկիթի ներկրումը՝ թռչնագրիպի բռնկման պատճառով: Այս մասին հայտնել է ծառայության պաշտոնական ներկայացուցիչ Յուլիա Մելանոն, փոխանցում է Gazeta.ru-ն:
«Մենք դեռ արգելքի համար հստակ ժամկետներ չենք սահմանել, սակայն արգելքը կգործի հավանաբար առաջիկա երկու շաբաթների ընթացքում: Դա վերաբերելու է առաջին հերթին այն երկրներին, որտեղ գրանցված են թռչնագրիպի բռնկման զանգվածային դեպքեր», – ասել է Մելանոն:
