Թուրքիան արգելափակել է ռուսական Sputnik գործակալության կայքի աշխատանքը
Թուրքիայի հեռահաղորդակցության և կապերի վարչությունը (TIB) հաստատել է ռուսական Sputnik գործակալության կայքի արգելափակման մասին տեղեկությունը, RIA Novosti-ին հայտնել է Sputnik-Թուրքիայի գլխավոր խմբագիր Թուրալ Քերիմովը:
Sputnik գործակալության կայքը Թուրքիայում արգելափակվել է երեկ երեկոյան: Կայքի էջ մուտք գործելիս հայտնվել է տեղեկություն իշխանությունների կողմից ձեռնարկվող ադմինիստրատիվ միջոցառումների մասին:
«Այսօր առավոտյան մեզ կայքի արգելափակման մասին տեղեկացրին: Թուրքիայի հեռահաղորդակցության և կապերի վարչության ներկայացուցչի խոսքով՝ համաձայն երկրի օրենսդրության, նրանք պարտավոր չեն նախապես հայտնել կայքի փակման մասին»,- հայտնել է Քերիմովը:
