Իտալիայում միջնադարյան դղյակ է վաճառվում՝ գյուղի հետ
Իտալիայում աճուրդի է հանվել Ումբրիայի Դի Սիսմանո դղյակը, որի ընդհանուր մակերեսը 850 հա է: Միջնադարյան կալվածքը ցանկանում են վաճառել 8,3 միլիոն դոլարով, հայտնում է Bloomberg-ը:
Պարբերականը գրում է, որ կալվածքը 1054 տարի պատկանել է ֆլորենտական Կորսինի հայտնի ընտանիքին: Բացի դղյակից՝ այն ներառում է դաշտեր, անտառ, արոտավայր, 7 այլ տներ:
Հաղորդվում է, որ դղյակը գտնվում է Հռոմից մեկուկես ժամ հեռավորության վրա:
Հաղորդվում է, որ Կորսինի տոհմի ներկայացուցիչներն օգտագործում էին միայն դղյակի մի փոքր մասը՝ վարելով համեստ կենսակերպ:
