Դեսպան Մկրտչյանը և Ջո Ուիլսոնը քննարկել են հայ-ամերիկյան օրակարգը
Նյու Յորքում անցկացվող «Կոնկորդիա» գագաթնաժողովի շրջանակում ԱՄՆ-ում ՀՀ դեսպան Նարեկ Մկրտչյանը հանդիպում է ունեցել ԱՄՆ Ներկայացուցիչների պալատի անդամ Ջո Ուիլսոնի հետ։
«Մտքեր ենք փոխանակել հայ-ամերիկյան երկկողմ օրակարգի առաջնահերթությունների և փոխադարձ հետաքրքրություն ներկայացնող մի շարք հարցերի շուրջ, քննարկել ենք նաև տարածաշրջանային զարգացումները և խաղաղության հաստատմանն ուղղված գործընթացները»,- ֆեյսբուքյան իր էջում գրել է Մկրտչյանը։
