Շոկոլադե նապաստակներ՝ Քամբերբեթչի դեմքով
Մեծ Բրիտանիայի հարավում գտնվող Բրայթոն քաղաքում շոկոլադագործ Ջեն Լինդսեյ Քլարքն ստեղծել է շոկոլադե նապաստակների շարք՝ դերասան Բենեդիկտ Քամբերբեթչի դեմքով: Ֆիգուրներից յուրաքանչյուրը կշռում է 400 գրամ եւ արժե 50 ֆունտ (շուրջ 70 դոլար): Այդ մասի գրում է The Daily Mail-ը:
37-ամյա հրուշակագործը շոկոլադե ֆիգուրների շարքն անվանել է Cumberbunny: Փողկապներով զարդարված քաղցրավենիքները, որոնք պատված են 22-կարատանոց ուտելի ոսկով եւ փայլափոշիով, հասանելի են սպիտակ, կաթնային եւ մուգ շոկոլադով:
«Բոլորն էլ կցանկանային համտեսել Բենեդիկտի մի կտորը: Ես պլանավորում եմ նապաստակներից մեկն ուղարկել Քամբերբեթչի մորը: Բայ ոչ նրան: Տարօրինակ կլինի, եթե նա ուտի սեփական դեմքը»,-ասել է Լինդսեյ Քլարքը: Կինը շոկոլադից պատրաստել է նաեւ դերասանի ֆիգուրը՝ ամբողջ հասակով մեկ:
