Տարբեր գույնի երկվորյակներ. քույրեր, որոնք պատկանում են տարբեր ռասաների
Ծանոթացեք Մարիայի և Լյուսիի հետ, քույրեր, որոնք պատկանում են տարբեր ռասաների: Շատերը նրանց ընկալում են որպես ընկերուհիներ` մաշկի գույնի պատճառով: Մեծ Բրիտանիայում բնակվող այս քույրերը միշտ ուշադրություն են գրավում, քանի որ նրանցից մեկը սևամորթ է, իսկ մյուը` սպիտակամորթ:
Նրանք ծնվել են 1997 թ.: Նրանց հայրը սպիտակամորթ է, իսկ մայրը կիսով չափ ջամայկացի է: Քույրերը սովորել են, որ իրենց ընկալում են որպես ընկերուհիներ և նրանք երբեմն ստիպված են ցույց տալ իրենց ծննդյան վկայականները, որպեսզի ապացուցեն, որ իսկապես քույրեր են: 
«Ոչ ոք երբեք չի հավատում, որ մենք երկվորյակներ ենք, քանի որ ես սպիտակամորթ եմ, իսկ Մարիան` սևամորթ: Նույնիսկ երբ մենք միանման ենք հագնվում, մենք նման չենք սովորական քույրերին, ուր մնաց` երկվորյակների»,- բացատրում է Լյուսին: 
Աղջիկներն իրարից տարբերվում են ոչ միայն արտաքնապես:
Լյուսին, ով ունի շիկակարմիր վարսեր և շատ բաց մաշկ, Գլոսթերի քոլեջում ուսումնասիրում է արվեստ և դիզայն: Իսկ Մարիան, ով ունի շագանակագույն վարսեր և մաշկի կարամելային երանգ, Չելթնեմի քոլեջում ուսումնասիրում է հոգեբանություն և օրենք: 
Նրանք ունեն եղբայրներ և քույրեր, ովքեր նույնպես ունեն մաշկի գույնի տարբեր երանգներ:
«Մեր բոլոր քույրերի և եղբայրների մաշկի գույների գտնվում են իմ և Լյուսիի մաշկի գույների արանքում: Այսինքն ես և Լյուսին գտնվում ենք գունային սպեկտրի եզրերին, իսկ նրանք գտնվում են մեր արանքում»,- ասել է Մարիան: 
Քույրերը շատ երջանիկ են, որ այդքան տարբեր են:
«Երդ դու ուենս երկվորյակ, ով քեզ բացարձակապես նման չէ, մարդիկ երբեք Ձեզ չեն շփոթի և դա հիասքանչ է»,- ասել է Լյուսին:
Պատրաստեց Անի Գաբուզյանը
