Իտալիայի հավաքականը համաշխարհային ռեկորդ է գրանցել

Եվրո-2016-ի ընտրական փուլի շրջանակում Իտալիայի ընտրանին հյուրընկալվելիս հաղթել է Ադրբեջանի հավաքականին 3:1 հաշվով:

Վիճակագրական տվյալները համակարգող Mister Chip թվիթերյան էջը հայտնում է, որ Աշխարհի ու Եվրոպայի առաջնությունների որակավորման փուլերում Ադրբեջանի դեմ խաղթանակը իտալացիների համար 49-րդ անընդմեջ անպարտելի հանդիպումն էր:

Որակավորման փուլերի պատմության մեջ սա նոր ռեկորդ է:

Եվրո-2016-ի ընտրական փուլում Իտալիան տոնել է 6 հաղթանակ և 3 խաղ ավարտել է ոչ-ոքի արդյունքով:

Սիրարփի Աղաբաբյան