«Չելսին» հետաքրքրվում է «Մանչեսթեր Յունայթեդի» դարպասապահ Վիկտոր Վալդեսի ծառայություններով

Տիբո Կուրտուայի վնասվածքի հետ կապված Ժոզե Մոուրինիոն գործընկեր է փնտրում Ասմիր Բեգովիչի համար:

Լոնդոնիցների ղեկավարությունը պատրաստվում է պաշտոնական առաջարկություն անել «կարմիր սատանաներին»` ձմեռային տրանսֆերային պատուհանի ժամանակ 33-ամյա դարպասապահի տեղափոխության վերաբերյալ, հաղորդում է Daily Mail-ը:

Բացի իսպանացուց, թեկնածուների ցուցակում են «Պորտուի» դարպասապահ Էլտոնը, Միգել Անխել Մոյան` «Ատլետիկոյից» և «ներաձուրիների» դարպասապահ Խուան Պաբլո Կարիսոն:

Կուրտուան վնասվածք է ստացել «Չելսիի» մարզումների ժամանակ:

Պատրաստեց Անի Գաբուզյանը