Ոստիկանությունում է անձը, ում Սմբատ Հակոբյանը մատնանշել է`որպես իր նկատմամբ բռնություն գործադրած անձ
Այն անձը, ում ազատամարտիկ Սմբատ Հակոբյանը մատնանշել է՝ որպես իր նկատմամբ բռնություն գործադրած անձ, այս պահին Ոստիկանությունում է: 168.am-ի հետ զրույցում ՀՀ ոստիկանության Հասարակայնության հետ կապի և լրատվության վարչությունից հայտնեցին, որ անձը մատնանշվել է՝ որպես միջադեպի մասնակից, նա բերվել է Ոստիկանություն, կատարվում են համապատասխան գործողություններ: Ոստիկանությունից հայտնեցին նաև, որ որոշ ժամանակ անց նյութերը կուղարկվեն ՀՀ Քննչական կոմիտե:
Հիշեցնենք, որ Սմբատ Հակոբյանը ծեծի էր ենթարկվել երեկ Աբովյան փողոցում: Նա հոսպիտալացվել է և այժմ տեղափոխվել է հիվանդասենյակ: Այսօր լրագրողների հետ զրույցում նա հայտնել էր, թե ինչպես է տեղի ունեցել միջադեպը:
