«Որ ասում եմ լրտես ա, չեք հավատում, իսկական թուրքը հենց էտի ա». Շմայսը՝ Զարուհի Փոստանջյանի մասին
Այսօր արտահերթ նիստում ԱԺ խորհրդարանը վավերացրեց ՌԴ կառավարության կողմից ՀՀ-ին հատկացվող 200 մլն դոլարի չափով պետական արտահանման վարկ տրամադրելու մասին համաձայնագիրը: Կողմ քվեարկեցին 98 պատգամավորներ, այդ թվում՝ ՀԱԿ-ը, բացի Նիկոլ Փաշինյանից ու Հրանտ Բագրատյանից, ովքեր ներկա չէին քվեարկության ժամանակ: «Դեմ» քվեարկեց միայն 1 պատգամավոր՝ Զարուհի Փոստանջյանը: Ձեռնպահ չկար:
Ալեքսանդր Արզումանյանը նույնպես կողմ քվեարկեց, իսկ Խաչատուր Քոքոբելյանը ներկա էր, բայց չի քվեարկել:
Քվեարկությունից հետո ՀՀԿ-ական պատգամավորները, դուրս գալով նիստերի դահլիճից, քննարկում էին Զ.Փոստանջյանի քվեարկությունը:
«Որ ասում եմ լրտես ա, չեք հավատում: Իսկական թուրքը հենց էտի ա»,- նետեց ՀՀԿ-ական Առաքել Մովսիսյանը (Շմայս):
