Ուկրաինայում ներքին տեղահանվածների թիվը հասել է ավելի քան 850.000-ի
Lenta.ru-ի փոխանցմամբ՝ Ուկրաինայում Դոնբասից ու Ղրիմից հարկադրաբար հեռացածների թիվը կազմում է 854.500 մարդ: Այս մասին նշված է Ուկրաինայի Արտակարգ իրավիճակների պետական ծառայության կայքում:
Նշված է, որ Դոնեցկի ու Լուգանսկի մարզերից հարկադիր վերաբնակների թիվը կազմում է գրեթե 834.000 մարդ, իսկ Ղրիմից ու Սևաստոպոլից հարկադրաբար հեռացածների թիվը՝ 20.500 մարդ:
Ներքին տեղահանվածներին հիմնականում տեղավորել են Խարկովի, Դնեպրոպետրովսկի, Զապորոժիեի ու Կիևի մարզերում, այդ թվում՝ նաև Կիևում, ինչպես նաև Դոնեցկի ու Լուգանսկի մարզերի այն շրջաններում, որոնք չեն գտնվում անջատողականների վեահսկողության ներքո:
ՄԱԿ-ի տվյալներով՝ Դոնբասում բնակվող մոտ 800.000 ուկրաինացի դարձել է փախստական, որոնցից 659.000-ը մեկնել է Ռուսաստան, իսկ 81.000-ը՝ Բելառուս:
