Շվեդական դատարանը հրաժարվել է չեղյալ հայտարարել Ասանժին կալանավորելու մասին որոշումը
Բրիտանական Reuters լրատվական գործակալության փոխանցմամբ՝ Շվեդիայի Գերագույն դատարանը հրաժարվել է չեղյալ հայտարարել WikiLeaks-ի հիմնադիր Ջուլիան Ասանժին կալանքի տակ վերցնելու մասին որոշումը, ով երկրում մեղադրվում է սեռական բռնություն գործելու մեջ:
Ասանժի փաստաբանը հայտարարել է, որ հիասթափված է տվյալ որոշումից: Նրա խոսքերով՝ դատարանն իրենց թույլ չի տվել ներկայացնելու սեփական փաստարկները:
Մարտին դատախազության ներկայացուցիչները հայտարարել էին, որ Ասանժը, ով 2012 թվականից գտնվում է Լոնդոնում Էկվադորի դեսպանատանը, հարցաքննվելու է հենց այնտեղ: Ասանժը համաձայնվել էր դրան: Մինչ այդ դատախազները պլանավորել էին Ասանժին հարցաքննել Շվեդիայում:
