Միջերկրական ծովում մեկնարկում են ռուս-չինական ռազմածովային զորավարժությունները
BBC-ի փոխանցմամբ՝ այսօր Միջերկրական ծովում մեկնարկում են ռուս-չինական համատեղ ռազմածովային զորավարժությունները, որոնք ստացել են «Ծովային փոխգործակցություն 2015» անվանումը: Զորավարժությունները տևելու են մինչև մայիսի 21-ը:
Ընդհանուր առմամբ զորավարժություններին մասնակցում է Ռուսաստանի ու Չինաստանի ռազմածովային ուժերի տարբեր դասի մինչև 10 նավ: Այս մասին հայտարարել է Ռուսաստանի պաշտպանության փոխնախարար Անատոլի Անտոնովը:
Վարժանքների ժամանակ նավերը մշակելու են համաշխարհային օվկիանոսում անվտանգ նավարկություն ապահովելուն ուղղված գործողութունները: Ռուս-չինական ևս մեկ ռազմածովային զորավարժություններ օգոստոսին կանցկացվեն Ճապոնական ծովում:
