Բրոնիսլավ Կոմորովսկին նախագահական ընտրությունների արդյունքներով դուրս է եկել երկրորդ փուլ
Polskie Radio-ի փոխանցմամբ՝ Լեհաստանի նախագահին երեկ անցկացված նախագահական ընտրությունների առաջին փուլի արդյունքներով չի հաջողվել վերընտրվել:
Մի շարք առաջատար ԶԼՄ-ների անցկացրած exit-poll-երը վկայել են, որ գործող նախագահ Բրոնիսլավ Կոմորովսկին ընտրությունների արդյունքներով հավաքել է քվեների 32.2 տոկոսը, իսկ նրա հիմնական մրցակից Անջեյ Դուդան՝ 34.8 տոկոսը:
Երրորդ տեղը բաին է ընկել Պավել Կուկիզին՝ 20.3 տոկոս: Չորրորդ տեղում է Յանուշ Կորվին-Միկեն՝ 4.4 տոկոս, իսկ Մագդալենա Օգուրեկը հավաքել է քվեների 2.4 տոկոսը: Մնացյալ 6 թեկնածուները ստացել են 2 տոկոսից էլ պակաս:
Լեհաստանի նախագահական ընտրություններին մասնակցելու ցուցանիշը կազմել է 49.4 տոկոս: Ակնկալվում է, որ ընտրությունների պաշտոնական արդյունքները կհրապարակվեն մայիսի 12-ի առավոտյան:
