Ալեք Ենիգոմշյանը ողջունում է Խաչիկ Ավետիսյանի հացադուլը, թեև դրա հետ կապ չունեն
Այսօր լրագրողների հետ հանդիպման ժամանակ «Հիմնադիր խորհրդարանի» անդամ Ալեք Ենիգոմշյանը, անդրադառնալով Ազատության հրապարակում հացադուլ և նստացույց անող ազատամարտիկ Խաչիկ Ավետիսյանին, ասաց, որ հենց առաջին օրվանից դա եղել է Խաչիկ Ավետիսյանի նախաձեռնությունը և իրենք այդ նախաձեռնության հետ կապ չեն ունեցել:
«Շարժումը կապ չի ունեցել այդ նախաձեռնության հետ, բայց մենք ողջունում ենք ցանկացած քաղաքական ուժի, ազատամարտիկի, ակտիվ խմբի մասնակցությունը այս պահին, այդ առումով՝ մենք ողջունում ենք ցանկացած նման քայլ»,- ասաց նա:
