Հրդեհ Զովունի գյուղի հուշարձանի մոտ
Ապրիլի 24-ին, ժամը 11.49-ին ահազանգ է ստացվել, որ Կոտայքի մարզի Զովունի գյուղում՝ հուշարձանի մոտակայքում, այրվում է տուն:
Դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է Զովունի 1-ին փողոցի թիվ 139 հասցեում` չշահագործվող զովացուցիչ ըմպելիքների արտադրամասի պահակակետում:
Հրդեհը մեկուսացվել է ժամը 12.03-ին, մարվել՝ 12.19-ին:
«Մարգարիտա Հովհաննիսյան» Ա/Ձ-ին պատկանող արտադրամասի պահակակետում այրվել են կենցաղային իրեր՝ 20 քմ:
ՀՀ Արտակարգ իրավիճակների նախարարություն
