Ովքեր կարող են համարվել հայ եկեղեցու սրբեր
Այս պահին ընթացող սրբադասման արարողության առթիվ հայ եկեղեցին հիշեցնում է հայ սրբադասման պատմությունը. ըստ ավանդության՝ հայազգի առաջին սուրբը հանուն հավատքի նահատակված Սանդուխտ կույսն է` հայոց Սանատրուկ արքայի դուստրը:
Այսօր հայ եկեղեցու սրբերի թիվը շուրջ 700 է, իսկ ըստ եկեղեցական տոնացույցի տոնելի սրբերի թիվը` 400:
Հայ եկեղեցու սրբեր են համարվում`
- Հավատքի համար նահատակվածները:
- Անձինք, որոնց կենդանության օրոք կամ մահվանից հետո տեղի են ունեցել հրաշագործություններ:
- Հավատքի տարածման, եկեղեցու ուղղափառ դավանանքի պաշտպանության և Աստծո խոսքի բացառիկ քարոզիչները:
- Սրբակենցաղ անձինք:
