Վրաերթ «ՍԱՍ» սուպերմարկետի մոտ
Ապրիլի 16-ին, ժամը 13.00-ին ահազանգ է ստացվել, որ Երևանի Բաղրամյան պողոտայի թիվ 85 հասցեում՝ «ՍԱՍ» սուպերմարկետի մոտակայքում, տեղի է ունեցել վրաերթ. անհրաժեշտ է օգնություն:
Դեպքի վայր է մեկնել ՃԿԱԿ օպերատիվ խումբը:
Պարզվել է, որ Բաղրամյան պողոտայի թիվ 79Ա շենքի մոտակայքում «Օպել» մակնիշի 34MD567 պ/հ ավտոմեքենան (վարորդ` Մ. Խ.) վրայերթի է ենթարկել մոտ 55 ամյա կնոջ, ով, տեղում ստանալով համապատասխան բուժօգնություն, հրաժարվել է հոսպիտալացումից:
ՀՀ Արտակարգ իրավիճակների նախարարություն
