Ռոբերտ Քոչարյանն այցելել է «Թումո» կենտրոն
«Թումո» ստեղծարար տեխնոլոգիաների կենտրոնի հիմնադիր և «Սիմոնյան կրթական հիմնադրամի» նախագահ Սեմ Սիմոնյանի հրավերով ապրիլի 2-ին «Թումո» կենտրոն է այցելել ՀՀ 2-րդ նախագահ Ռոբերտ Քոչարյանը, որի պաշտոնավարման ընթացքում էլ հիմնադրվել է կենտրոնը: Ռոբերտ Քոչարյանը Սեմ Սիմոնյանի և տնօրեն Մարի Լու Փափազյանի ուղեկցությամբ շրջել է կենտրոնի սրահներում, ծանոթացել դասընթացների առանձնահատկություններին, դիտել կենտրոնի սաների պատրաստված տեսահոլովակները, շփվել տարբեր ծրագրերի մասնակիցների հետ: Այս մասին տեղեկացնում է yerevan.today-ը:
