100-ամյակը առանց ռեժիմի շարժումը տարածել է Հրաչիկ Միրզոյանին դանակահարած սադրիչի լուսանկարը
Ինչպես արդեն տեղեկացրել ենք՝ այսօր Գյումրիի Թատերական հրապարակում 100-ամյակը առանց ռեժիմի շարժման հրավիրած հանրահավաքի ընթացքում մի խումբ երիտասարդներ ելույթներին զուգահեռ սուլում էին, անհարկի ծափահարություններով խանգարում ելույթները։
Սադրիչ խումբը ոստիկանների միջամտությունից հետո հեռացել է և վերադառնալով՝ սկսել է ձվեր նետել հավաքված մարդկանց ուղղությամբ, այնուհետև ստեղծված խառնաշփոթ իրավիճակից հետո դիմեց փախուստի։ Այս ընթացքում նրանցից մեկը հասցրել է դանակով վնասել հանրահավաքին մասնակցող, Հիմնադիր խորհրդարանի պատգամավոր Հրաչիկ Միրզոյանին։ 100-ամյակը առանց ռեժիմի շարժումը տարածել է սադրիչի լուսանկարը, ով դանակահարել է Հրաչիկ Միրզոյանին:
