Ուկրաինան շահագրգռված է թուրքմենական գազի մատակարարմամբ. Պորոշենկո
Ուկրաինական UNIAN լրատվական գործակալության փոխանցմամբ` Ուկրաինայի նախագահ Պյոտր Պորոշենկոն հայտարարել է, որ Ուկրաինան շահագրգռված է թուրքմենական գազի մատակարարմամբ:
Պորոշենկոն այդ մասին հայտարարել է Թուրքմենստանի արտգործնախարար Ռաշիդ Մերեդովի հետ հանդիպման ժամանակ. «Ուկրաինան պատրաստ է և շահագրգռված է թուրքմենական գազի մատակարարումների վերսկսմամբ` որպես այլընտրանքային աղբյուր: Ուկրաինայի ու Թուրքմենստանի միջև հարաբերությունները գտնվում են բարձր մակարդակի վրա»:
Մերեդովն իր հերթին հայտարարել է, որ Ուկրաինան Թուրքմենստանի հուսալի գործընկերն է, և որ իր երկիրը ձգտում է հետագայում զարգացնել Ուկրաինայի հետ առևտրային-տնտեսական համագործակցությունը:
