Քրքումի ոսկե կաթ. հնագույն ըմպելիք, որը կփոխի ձեր կյանքը
«Այուրվեդը» («Գիտություն կյանքի մասին») առողջապահական հնագույն համակարգերից է, որը ստեղծվել է Հնդկաստանում: Այն ընդունվել է Առողջապահության Համաշխարհային Կազմակերպության կողմից: Դարեր շարունակ «Այուրվեդը» մոռացության էր մատնվել: Վերջին տարիներին «Տրանսցենդենտալ մեդիտացիա» ծրագրի հիմնադիր Մահարիշի Մահեշ Յոգիի ղեկավարությամբ ու ջանքերով, «Մահարիշի-Այուրվեդ» անվանումով՝ նոր կյանք ստացավ: Սա գիտություն է մտքի ու մարմնի՝ ներդաշնակություն հաստատելու մասին:
Այուրվեդյան այս բաղադրատոմսը պատրաստելու համար օգտագործվում է 2 համեմունք՝ քրքումն ու սև պղպեղը: Քրքումը ծագել է Հնդկաստանից, որտեղ այն հազարավոր տարիներով օգտագործվել է կերակուրների պատրաստության, առողջապահության և գեղարարության մեջ: Դրա ակտիվ բաղադրիչը կոչվում է քուրքումին: Քուրքումինը սև պղպեղի հետ համադրելիս՝ դրա կենսաակտիվ նշանակությունը մեծանում է:
Ոսկե կաթի սննդարար հատկանիշները
Կարող եք ամեն օր խմել ոսկե կաթը և ստանալ դրա ամբողջ սննդարար հատկանիշները:
- Այն հականեխիչ և հակաալերգետիկ է, և դրա հաշվին հանգստացնում է ցավերը:
- Մաքրում է լյարդը և օգնում մաքրել արյունը:
- Լավ է նաև հոդերի խնդիրների դեպքում, օրինակ՝ օստեոարթրիտի դեպքում
- Օգնում է մաշկի խնդիրների դեպքում:
- Լավացնում է իմունիտետը և սնուցում է օրգանիզմը հակաօքսիդանտներով:
Բաղադրատոմսը բաժանվում է 2 մասի: Սկզբում կսովորենք պատրաստել քրքումի մածուկ: Հետո կօգտագործենք այդ մածուկը՝ ոսկե կաթ պատրաստելու համար
Քրքումի մածուկ
- ½ բաժակ ջուր
- ¼ բաժակ քրքումի փոշի
- ½ թեյի գդալ աղացած պղպեղ
Կաթսայի մեջ ջուր լցրեք և դրեք միջին կրակին, ավելացրեք քրքում և պղպեղ, խառնեք այնքան, մինչև խյուսանման մածուկ ստանալը: Ձեզանից կպահանջվի 7-9 րոպե: Եթե չափազանց խիտ լինի զանգվածը, կարող եք մի փոքր ջուր ավելացնել:
Սառեցրեք խառնուրդը և լցրեք ապակե տարայի մեջ: Մածուկը պետք է պահել սառնարանում 2-3 շաբաթ: Դրանից հետո այն ստեղծում է մետաղային համ, այնպես որ պետք է խուսափեք դրա օգտագործումից:
Շատերը օգտագործում են մածուկը՝ առանց եփելու: Դա լավ է ցավերը հանգստացնելու համար: Սաստիկ ցավերի դեպքում խորհուրդ է տրվում օրական 1 թեյի գդալի չափով օգտագործել: Ցավը պետք է որ անցնի 3-4 օր հետո:
Ոսկե կաթ
- ¼ թեյի գդալ քրքումի մածուկ
- 1 բաժակ նշի կաթ, կարող եք օգտագործել նաև սովորական կաթ
- Փոքր-ինչ մեղր
- 1 թեյի գդալ կոկոսի յուղ
Կաթն ու քրքումի մածուկը դրեք դանդաղ կրակի վրա: Լավ խառնեք և եռացրեք: Վերցրեք կրակից: Երբ ըմպելիքը սառչի, ավելացրեք մեղրն ու յուղը:
Ըմպելիքն ունի նուրբ ոսկեգույն երանգ, հենց այդտեղից էլ գալիս է անունը: Եթե երբեք չեք օգտագործել քրքում, սկսեք քիչ չափաբաժնով և հետևեք արդյունքին:
Նյութը հրապարակման պատրաստեց Լիլիթ Հարությունյանը
Ծանուցում. Սիրելի ընթերցող, մի մոռացիր, որ յուրաքանչյուր օրգանիզմ յուրովի կարող է արձագանքել այս կամ այն դեղամիջոցին: Ինչը օգտակար է մեկին, կարող է
հակացուցված լինել մյուսին: Այդ պատճառով մինչ դրանք գործածելը, ճիշտ կլինի խորհրդակցել բժշկի հետ:
