Ռուսաստանը սպառնում է ՄԱԿ ԱԽ-ում վետո դնել Ուկրաինայում խաղաղապահների տեղակայման առաջարկի վրա
BBC-ի ռուսական ծառայության փոխանցմամբ՝ Ռուսաստանը չի աջակցի Ուկրաինայի տարածքում խաղաղապահ կոնտինգենտի ծավալմանը, եթե այդ առաջարկը ներկայացվի ՄԱԿ ԱԽ-ի դիտարկմանը: Այդ մասին հայտարարել է Ռուսաստանի փոխարտգործնախարար Գենադի Գատիլովը:
Նա ընդգծել է, որ մինսկյան պայմանավորվածությունները չեն նախատեսում խաղաղապահների տեղակայում, և որ Ուկրաինայի հակամարտության կարգավորման գործընթացում առանցքային դերը վերապահված է ԵԱՀԿ-ին.
«Մենք համարում ենք, որ կան մինսկյան պայմանավորվածություններ, որոնցում հստակեցված է ԵԱՀԿ-ի, նրա մոնիթորինգային առաքելության դերակատարությունը: Ներկայումս դա լիովին բավարար է»:
